ابحث عن

اول شي مهر بح مافيه مهر قرنقش ماعندي وابي اتزوج وش السوات ماخذ قرض واخذت محل في مول مسوي انا وخشتي نظام اني ماركه وتورطت في البضاعه خلصن الفلوس وماضل يمني او حضرمي الا ولزقتله عشان ينزلي بضاعه بالآجل وانواع الكرش واللي يقهرك زود بناتنا اللي يبن زواج اوروبي بنظام سعودي مايجتمعن والله مايجتمعن ياتاخذين بنظام اوروبي وهو دبله مع جلسه على ركبه وبألفين ريال تستاجر خمسين كرسي مع طاولات وتدق على واحد من العيال يجيب البيانوا حقه وكذبه من هنا وكذبه من هنا وخلصنا او نظام سعودي شبكه ومهر والعرس بحوش الحريم والرجال في بيت شعر عاد انتي اختاري اي نظام وبما اني زوجك المستقبلي واكيد تاخذين بنصحيتي عليك بالنظام الاوروبي المحض يكفي يعيرونا بالعالم الثالث لابد ان نكون النواه ونقطة التحول في المجتمع فيازوجة المستقبل نداء خلينا نتزوج ونعين خير انا وياكي ماتدرين يمكن احصل واحد ينزلي بضاعه واصير تاجر كبير وابيع الفورد واشتري روزرايز ونركب انا وياكي ورى وادخن سيجار كوبي ونسكن بنفس الشركه حقتي عشان مانخسر ايجارات ولا أتأخر عن الدوام طموحي عالي جدا جدا والله وانا اكتب تخيلت الوضع الاخير من جد فله ومني وعد يازوجتي وياقرة عيني افتح بإسمك خيريه وتصيرين انتي المديره نفس نظام  الناس الفخمين لكن ابي ارفع ايديني وادعي اللي تشوف ماكتبته ولا تتزوجني بدون فلوس بس دبله علمتكم بس دبله  ( .....بقلبي دعيت وهي كيفه ) جد اكسبن اجري ما ابي اذهب الى الحرام تروني على طريف